Servus, i bin da Johannes

Hallo I bin's,

da Santl Johannes aus Ascha, und links neben mir, des is mei großer Bruder, da Maxi. I bin am 24. Mai 2018 mit 4.180 Gramm und 52 Zentimeter in Straubing auf´d Welt kema.


6 Tage bin i zu spät kema, mir hods hoid in da Mama ihram Bauch drin so guad gfoin. Dafür hod´s ma bei meiner Geburt recht pressiert, und i war nach 50 Minuten scho da. Mei Mama hod mei Eile ned so lustig gfundn, oba da Papa hod´s trotzdem no rechtzeitig gschaft.


I gfrei mi scho wenn da Frühling boid kimmt, dann kon i mit meinem Bruder, meinem Cousin Noah, meine Cousinen Lea und Lina und de Kinder vom Weinberg endlich draußen spuin. Wenn mi meine Falkenfelser und Aschinger Oma´s und Opa´s besuchen, gfrei i mi immer recht, mit ihnen zum spuin und sie zum seng. Lang dauerts nimma, dann kon i endlich selber laufen, dann gfrei i mi, wenn i mid meinem Bruder und meim Papa zum Fußballplatz geh kann.