Griaß eich miteinand!
Antonia ist der ganze Stolz der Familie. (Foto: Christina Wurm)
Mi gfreits narrisch, dass i mi eich heut a amal vorstelln deif. I bin die Antonia Schütz aus Metting, des is in der Gemeinde Leiblfing.I war no gar ned auf der Welt und hab meine Eltern scho ganz schee den Plan durcheinand gschmissn, indem ich sechs Wochen zfruia in Deggendorf am 13. Februa 2017 mit 2120 Gramm und 46 Zentimeter af d´Welt kemma bin.
Mei, ich kann a nix dafia - es gibt halt so vui zum Entdeckn af dera Welt. Solange meine Eltern, Tantn, Onkeln, Cousins, Oma und Opas weiterhin alles tun wos i sog, glangan mia mei "Törö" und mei Puppn zum spuin ;-)
Mei allerliebste Leibspeis ist a Butter(brot) - ob i des Brot brauchat, bezweifl i, aber des wird ma hold so untergschom. Gegen Kartoffel sog i logischerweise a nix , aber es deif halt der Butter ned fehln.
Ansonsten bin ich natürlich des anständigste Mädl auf der Erdn. Zum Schluss deif ich natürlch no olle griaßn, die mi kennand.Speziell meim Papa mächt i nomai alles Gute zum Geburtstag wünschen.
Mi hods gfreid, eure Antonia