Heind griaß i mein Opa, ganz lieb und toll, weil der mocht heind sein Siebzigstn voll. Oma soge 'mojßt eam a Gedicht mocha' - na hod da Opa ebs zon locha. Du wojßt scho Opa, i kon no ned schreim für Die, drum soges da Oma, de dojd des für mi. Grojß feiern, vol Gschenga - is goa ned dei Ding. Drum stejst wenigstens wieder in da Zeitung drin. Und allnen mechtmas song, dass ma an Opa besonders wertschätzn dojn. Du mojnst, Du kanntst heid Dein 70stn überspringa do warst scho da erst - des wird da kam glinga. Unser Opa - sagt Lari - is scho a Hund, heid isa 70 und pumperlgsund. Er hod scho seine Eigenarten, af de konma scho tagtäglich wartn. Zwoj bor Seckln brauchta scho, dass erm dZeja ned wejdoj ko. Sei Fitness is erm ganz viel wert, das er ja no lang ned zo de 'Oldn' kert. Fit und stark so will er bleim, sich mit Sport die Zeit vertreim. Deszweng sei Tagesmedizin - 60 Liegestützn san scho drin! Wer hat, der hat, so denkt er sich, aso wire 100, ganz gewiss. Sei Fastenkur moja jährlich mocha, des is erm ernst, do derf ma ned locha. Und a Buttermilch jedn Dog, do hoffda, das des wos bringa mog. Joghurteimer werden umfunktioniert und daraus Hanteln modeliert. Rauf und runter, hin und her, Hanteln heben ist nicht schwer. Er hängt sich an Ringe, afn Schupfabodn. Sandeimer hebt er - zieht sein Gewicht nach oben. DFedern wird bong und Übungen gmacht und des so laut, dass no sKanapee kracht. Und sSchwimma gej und sRadlfohrn - des mecht a se no lang ned sporn. DOma mecht no zum Ausdruck bringa, Du sollst no lang Dei Tanzbein schwinga. Und seine Stiefel - zon tanzn - de liebt er sehr, de gibt er bis 90ge, bestimmt niemals her. De 'Zwiefachn' undn 'Twist' bis zon Bon oj - de konn er ano, bist a mit 70 koa olda Mo. Du bist allwei fleißig, konnst arwatn für drei, owa a depperter Spruch, is scho oft dabei! Man gejd drüber weg, derf se ned darum schern - man mojs ignoriern und ganz einfach ned hörn. Dassd unser fleißiger Opa bist, mecht ma da scho song. Drum kannt ma De leicht no 30 Jahr dadrong. 'DHolzausputzer' b
