Nachruf für ein großes Herz Es gibt net fui Menschn, de nutzn des Lebm des in erna steckt. Hermann Du warst so a Mensch. Es gibt Menschn, de sand einfach angenehm, du triffst as, herst erna zua und lernst. Er war a guada Lehrer wos Lebm ogeht, gern hob I mi mit erm unterhoitn. A woarme Seel, a guada Mo, soweit i des beurteiln ko. A Herz voi Ideen, Zuversicht und Wärm, ets hots afkehrt zum schlong. Kam vorstellbar is, wos bleibt is da Schmerz, doch des oane woas i gwieß, wenn unsa Zeit obgloffa is, wern ma uns wieda treffa im Paradies. Norbert Niemeier, 1. Vorstand im Namen des TC Straßkirchen